ہمارے بارے میں

جموں کشمیر پیپلز نیشنل پارٹی (JKPNP) کا قیام 10 اپریل 1985 کو میرپور کی دھرتی پر عمل میں آیا۔ اس کا جنم خطے کی روایتی، بورژوا اور مذہبی بنیادوں پر استوار سیاست کے ردِ عمل میں ہوا۔ جے کے پی این پی ریاست جموں کشمیر کی تاریخ میں وہ پہلی سیاسی قوت ہے جس نے کشمیر کے قومی سوال کو جذباتیت کے بجائے سائنسی بنیادوں، تاریخی مادیت اور طبقاتی جدوجہد (Class Struggle) کے اصولوں کے تحت پرکھا اور اس کی فکری سمت متعین کی۔

ہماری پارٹی کشمیر کے ہر طبقے — کسان، مزدور، نوجوان، خواتین اور اقلیتیں — کی نمائندہ ہے۔ ہم یقین رکھتے ہیں کہ کشمیر کا مستقبل اس کے عوام کے ہاتھوں میں ہے۔

پچیس سال سے زیادہ کی جدوجہد میں ہم نے کبھی اپنے اصولوں سے سمجھوتہ نہیں کیا۔ ہماری لڑائی صرف سیاسی نہیں بلکہ انسانی حقوق، معاشی بہبود اور تہذیبی تحفظ کی لڑائی ہے۔